درد دلی با مردم فهیم پاوه / سخنانی شنیدنی از محمد فاروق یوسفی

بەنامێ خوای بێ لف وتای

وەنەی پەی زانای
زانای پەی کەردٚەی
مەوۆ بە سەند
پەی دماو مەردٚەی
مامۆسا”خەدٚری ڕواری”

درود وسڵام خزمەتو شمە مەردمو وەڵاتو۹۹پیری-مەردمو بافەرهەنگو پاوەو هۆرامانی.
هۆرچنیەو(انتخابات)
۲۹پاژەرەژمانگەو(اردیبهشت ماە)ساڵەو۱۳۹۶
ڕۆجیاری نزیکەن.
هەرپاسە مزاندێ هۆرچنیە(انتخابات)جە وەڵاتو پاوە وهۆرامانی،ویەردەو وپیشینەی چنها ساڵەش هەن مەردمو پاوە وهۆرامانی هەر جە قەدٚیمەنە خواوەنو (صاحب)شۆراو وئەنجومەنو ومەجلێسی بیەنێ.بەنامێ ئەنجومەنو “مەرە”یا”ژیرومەرە-ژیرلا”.
پسەو مەرەوکۆیمەکاڵو پاوەی یا مەرەو دەگاو زاوەری ونۆتشەو ودەیان یاگێ تەری جە سەرتاسەرو هۆرامانیەنە ومەردێم بە ئێنتێخاب وهۆرچنیەو کەسانێ سەرشناس وژیر وئاوەزدار،ئەرکو خزمەت کەردٚەو بەڕاوبەردەو کاروبارو مەحاڵکەیشان دان دەسشانۆ.
ئیسەیچ ئەرکو سەرشانو گردٚو مەردمو پاوەیەن کە بە هۆرچنیەو وپەسەند کەردٚەو کاندیدای ئاوەزدار وئاگا بە بارودۆخو شاروپاوەی هەرپسەو ساڵانێ چیوەڵ هەنگامێ بەرزو وهێقێم بنیا پەی وەڵکەوتەو و سەربەرزی شارو پاوەی،بەتایبەت جە زەمینەو فەرهەنگ وئێقتێساد ویاوناو مافو یەکسانی وبەرابەری جە زەمینەو تفاق وئێمکاناتی شاری وئاودٚانی پەی گردٚو مەردمو نیشتەجاو شارو پاوەی.
جە کۆتاییەنە دیسان سپاس ودس وەش بیەو گردٚو واڵەو وبرای وەشەویس وگەورەو نازاریم کەرو.

وادٚەو دیدٚاریما:۲۹پاژەرەژ مانگەو(اردیبهشت ماە) ۹۶ڕۆجیاری.

خزمەت کارو شمە
٭محمدفاروق یوسفی٭
کاندیداو پەنجۆمین دەورەو هۆرچنیەو(انتخابات)شۆراو شارو پاوەی.